Salmos 23

₁Ñi qara'gaxala' reloqotaỹa',

'ec nqai'en aỹim ca neloxoỹaq cana qagreta;

ca' qaica ca souentaque.

₂Yco'mataxanaxanec quenaua lo'ualqate' na 'uaqapi,

chaqai yauega ná'maq hua'ñi na huaxaỹaq se reda queso ñaachi,

₃ỹa'ue da dalaxaic iquesaxanaxa

chaqai yauequeta'gue so ỹalamqata nayic,

ca ỹo'uet da lemaqachic da leenaxat.

₄Ca 'eno'm shiquetauguilo nauá'maq paguec lapalqate' naua ca'meguelo,

qam qaica quet cá'maq yo'chiitaque,

ma' iỹaatac qami' ỹa'gaxala';

so nepoñi' chaqai ana rashillichi'i' ỹo'uet quiyim qaica ca youetaque.

₅Ca 'maxachisañi ca iqui'ỹaxac,

ca' qaiyi ỹauanchigui ná'ogue na ñpa'guenaxauaripi;

ca' cochirelec na iqahic quena coraxat,

chaqai i'paxanteguelec nqai'ñi' aso ñi'taxaqui.

₆Da rqouagaxa'e' chaqai da re'xorenataxanaxa'e' sqo ỹoxe'ogalo caỹim

quedá'ogue da ñachaalataxac,

chaqai queca ra'aachi', qami' ỹa'gaxala',

sqaica ca lqodoc quiyim senta'ñi.