Zacarías 9
Cá'maq naata nashi ma'le quiyi Israel
9¡'Xoic ma'le ca netoonaxaqui', qami' na'a' lodegaxat Sión!
¡'Ueenaxañi' queda netoonaxaqui', qami' na'a' lodegaxat Jerusalén!
Na nashi 'maxataxaraic chaqai huegaxanaxai naỹa'a qami',
qam ne'xoresenta, neetalec na 'ashinoqui'
ná'maq llaalec aca 'ashina.
10Na'maxare nopoxoỹaxajñi ma'le na nahoglenaipi quiyi Efraín,
chaqai na shipiguiripi quena Jerusalén,
ná'ogue ana no'xoshic lauataxaqui.
Ỹa'xateta'guit da neuagaxa quená'ogue na qomyipi quena 'laua,
chaqai vire'ta na huaaxaipi ỹoiquentac
chicqochi'ñi aso lachiugue Eufrates,
ca ỹovireta'ogalo naua'que naua lahil na 'laua.
(9.11—13.9 Liỹa qanadalaxashiguim yi Israel. Qaỹa'xateta'guit quiyim liỹa qanca'laxatec. Saua dos neloxoỹa' cana qagreta. Qanca'laxatec yi Jerusalén. Ñi qara'gaxala', chaqaiñi ñí'maq qota'olec caỹim.)
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.
