Salmos 137

₁Na' senqato'oto naua lachiuque quiyi Babilonia,

ñoỹenqatac quena' so'leenqataque yi qara'a' Sión.

₂Ana nanecse la'llaaxai lasote quiyi na'a' lodegaxat

sanqashiguim quen ana qariviiguellipi arpa.

₃Ca ná'maq qomi' la'aquipi,

ná'maq rouootaxana'gue cá'ogue cá'maq hueeto'oto qomi',

qarashiila quiyim ñitoonqatac, ca' so'ueenaxanaq;

¡so'ueenaxe' naua no'ueenaxanaxaco quiyi Sión!

₄¿Negue' queto' ca 'neeta quiyim so'ueenaxanaq, so'ueenaq ca no'ueenec quiñi qara'gaxala'

quenajo ỹoqa'a 'laua?

₅¡No'm sa'laxate qami' Jerusalén,

ca' rashivi da iqai'laxat ỹoic!

₆Chaqai ñi ỹo'legaxanaxat ronaỹo'ot na ñoquiaq,

no'm se so'leenta'a qami',

no'm se spa'xanashiguim caqami', Jerusalén,

quedá'ogue dá'maq chi ñitoonaxac.

₇Qami' ỹa'gaxala', ñaqai o'lliinchira'a so llaalqaipi so Edom,

na' noxonec yi Jerusalén, ca 'naiquen:

¡Nopoxoỹaxachiñi, nopoxoỹaxachiñi, vire'ta nqai'ñii yí'maq pa'aañi no'xonaxala'!

₈¡Qami' Babilonia qanopoxoỹaxajñi qami' ma'le!

¡Chalego la'maxa ma'le quecá'maq ỹo'uet ca nouaxanaxashichi'

quedá'maq 'ñiteteguelo qomi' na'le!

₉¡Chalego la'maxa quecá'maq iconlec na ñaaqaipioqui' caqami',

ca' i'guentalec pataqa'guit nqai'en ana qa'!