Proverbios 22

₁₇Ỹaatqajam na'xaỹaxañitetalo naua leloxoỹaxaco naua la'qaatqa cá'maq 'ue ca ỹa'den;

lo'qo'ichiriñi cá'maq sapaxaguinegue qami'.

₁₈Chalego la'maxa caqami' ma'le no'm sqai 'laxachite 'yiiñisapegalo,

chaqai shichi' quiyim pila'gue cá'ogue 'xachi'.

₁₉Nagui, ca' sa'deenaxanaxanegue qami',

qaiyi 'ue ca rpi'ỹaxaqui' quiñi qara'gaxala' qota'olec.

₂₀Ca' ỹim shiriñi na treinta na'qaatec

hueetagui da napaxaguinataxanaxac chaqai da na'deenaxanaxa,

₂₁ma' sahotaque sapaxaguiñitegue dá'maq lliqueta,

qaiyi 'maxaraic ca ra'qaachiqui' quiyim 'ue ca renachi'.

₂₂Sqai hualaxaiñirari' ca 'xoraic ma' 'xoic ca le'xoric,

se pataqairiñi queca nasauaxaset cá'maq qaica ca qoshiilec,

₂₃ma' ñi qara'gaxala' qoshiilec ma'le ca'maxare,

ca' pataxañi cá'maq pataxañi ca'maxare.

₂₄Se naviquira'pegue' ca sqo ỹoxo'ña lauel

chaqai ca nocqaic,

₂₅'neeto' nahi'ta da se no'uen lanatec,

ca 'ec chi noqoiñiralta'.

₂₆'Neeto' lotqai pa'a'irelec aca la'uale

ca liỹa qom,

₂₇ma' no'm qaca aca rishiuetenaxanqachi'i',

ca vire'ta ca romalachi' qarouootaxana'gue ma'le.

₂₈'Neeto' nqo'naxachirec ca lqodoc ca na'laua'e'

quecá'maq 'auñi letanec ca 'auaxaic qata'alli'ipi.

₂₉Cá'maq ỹa'maqachiguiñi nqai'en ca lo'ueenatec,

ca'maxare nelaatec ma'le quena nashillipi,

mesqai queca qom sqailligueme' ỹaqamaq.