Jeremías 8
Da nqui'ic queso Jeremías queso lauo' laseripi
18Qaica ca lata' da nqui'ic caỹim,
añi i'taxanata rachitatatac.
19Da laualaxac na iuo' laseripi
qara'xaỹa quenaua'que naua lahil na 'laua, 'naac:
“¿'Ec ñi qara'gaxala' totqai neeta'ñi na Sión?
¿'Ec totqai neeta'anyi ñi nashi?”
Ca' ñi qara'gaxala' retaqa, ca 'naac:
“¿Chi' negue' ma' yo'ooqochichii qamiri quiyim nqouagaxaiñitacot na nadenqatec nqolaquipi,
ná'maq 'ñiitapega qota'olqaipi, qam qaica ca 'negue?”
20Ỹoxe'uegue so ñaaxa,
ca' ime so nanecsec qanaqatetac ana la,
qam qaica ca nca'laxa coqomi'.
21Salecau'a da le'xoric na iuo' laseripi;
da lachicoxo chaqai da lqolonaxa 'eco' spa'aalec aỹim.
22¿Qaico' ca lata' dajo quiyi Galaad?
¿Qaico' ca ratarenataxan quiyi'maxare?
¿Chi'neco' ma' se imeuec na iuo' laseripi?
(9.1—13.27 Da na'qaatec taỹaugui na nqolaquipi, chaqai quiyim sqaỹaloq qainaxague da ỹoqa'a 'laua so qomyipi, chaqai da na'maqataxac ñi qota'olec queso'maxare. So qomyipi ỹadentalec quiyim 'ue ca 'ne'tegue so Jeremías. Ñi qota'olec chaqai so Jeremías qatesapega so qomyipi queda lasauaxaset.)
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.
