Jeremías 3
(3.1-5 Yi Israel se ỹaqamaq quiñi qara'gaxala'.)
Ñi qara'gaxala' 'naapega netogochigui lauel na qomyipi naalec yi 'laua Israel chaqai yi Judá
6Quesaua na'xata' na' nashi so Josías, ca 'naac ñi qara'gaxala' caỹim:
—¿Huañita dá'maq 'neetari' ana npa'guenaxai Israel? Eec quelec da nedequenaxac quenaua'que naua quemarelgoto chaqai cana qo'paq 'oochaxarai. 7Ca' sa'deenataxantac quiyim ma' ime dá'ogue dá'maq ỹo'ueetetac, ca ishit rapila aỹim; qam se rapil. Aso lqaỹa, asó'maq se ỹaqamaq Judá, iuana dajo; 8chaqai iuana qai'neeta quiyim ỹim salat aso npa'guenaxai Israel, chaqaida da nedequenaxac sougui. Qam añi Judá ñí'maq se na'maxat lqaỹa añi Israel, se no'chi, lama'xa que'uegue da nedequenaxac. 9Ỹaatqajam qaica ca lqalaic nqai'en na' ỹo'uet dajo, ca na'axat na 'laua. Ỹaatqajam se ne'maxat caỹim ỹa'deetacoto naua le'cootal na qa' chaqai ana qo'paq. 10Na' ime dá'ogue dajo añi nedequenaxai Judá qai'neeta se rapilliua' cañá'ogue añi le'taxanata, ta'ta'a quiyim yayin. Ỹim na'gaxala', se'taxajñi da ỹa'qaatec.
(3.11-25 Ñi qara'gaxala' 'naapega quiyim netogot. Dá'maq 'naac so llaalqaipi so Israel quiñi qara'gaxala'.)
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.
