Isaías 63

₁₅Qami' qara'gaxala', ñaq namachirañi quena piguim,

quená'maq noma' co'teeta chaqai 'ue lauaq ñi'sa'ñi.

¿Negue' cá'maq hueeta'gue cá'maq chalego re'xorenataxanaxa'e' coqomi' chaqai ca rquesaxanaxa'e'?

¿Negue' ca hueeta'gue ca rauochaxa'e'?

¿Imeuo' ca rqouagaxa'e' coqomi'?

₁₆¡Qami' ná'maq qami' qareta'a!

'Eno'm so sachigoxosoxougui Abraham 'ec ỹora'alo nqai'ne' qomi',

chaqai so laual Israel se ỹo'leenta'alo qomi',

qam qami' qara'gaxala', qami' ná'maq qami' qareta'a;

chaqai shi'gom se neme quiyim 'ootaxañiseguelgoto qomi'.

₁₇Qami' qara'gaxala', ¿chi'negue ma' 'viichi' quiyim shitaq ca nayicyaxaqui',

chaqai 'ñaxachi' añi qare'taxanata quiyim se ña'xaỹaxanqairaxaua'?

Dalaxachi' dá'maq 'ñiisari' coqomi';

ñaq rqouaquiteguelo naua relaataxahi'

chaqai quená'maq ni'ic ralamaxarichi'.

₁₈¡Ỹaatqajam sqo vito'olqai' saua na'xata' quiyim na ralamaxarichi'ipi ỹoiquentac ná'maq chi na'laua!

Ime, ca' na qanpa'guenaxauaripi co'ueeteguelec ñi ro'ueenaxanaxagui'i'.

₁₉Qomi' shinqatari' quiyim 'ec se ỹauanapega qaratoiquiñi'sac,

mashic 'eco' se ỹauanapega sa'xatqatac da qadeenaxachi'.