Isaías 55

₁Ná'ogue ná'maq iuet ca laquip, naiquena, ca' ne'et quena huaxaỹaq;

naiquena ná'maq qaca aca lam,

naguiu'a na trigo chi qoỹaantauec, ca qui'ii;

naguiu'alo na lataxa chaqai naua lo'i', qam sqai shivichiñii.

₂¿Chi'negue ma' 'ỹaañitapegueu'a na qadamii cá'maq se na'ic?

¿Chi'negue ma' 'ỹaañitapegueu'a aca raviguii cá'maq se nquemategue?

Na'xaỹaxañii'ta aỹim, ca a'guii ma'le ca no'uen na'ic,

'guii ma'le ná'maq 'ue na lo'daxa.

₃Naguipegue' aỹim, ca' na'xaỹaxañii,

ỹaatqajam na'xaỹaxañii'ta aỹim, ca' rca'lliiuec.

Ca sa'ue ma'le da ña'deenaxac caqamiri sqaica lqodoc,

ca ipaquichiguilo ma'le naua sachaxanta'pe na'le queda i'xorenataxanaxa queso David.

₄So'maxare sa'ue na'le yi loma', sauaaque ỹa'qaataxanqajnec quena ỹoreta'oguit qomyipi,

quiyim nashi chaqai napaxaguinataxanaq quena qomyipi.

₅Qami' ỹaxañire'oga ma'le na qomyipi sqai huañirapega;

ca' ná'maq se iuanapega qami' ne'guentagui, quepegue' qami',

ma' ỹim semaqachiñi',

ỹim ra'gaxalachi', ỹim co'teeta qota'olec quena Israel.