(50.1-3, 10-11 Qaỹa'xateta'guit quiyim liỹa qanadalaxashiguim ma'le yi Sión.)
Da lpi'ỹaxac so lelaatec ñi qara'gaxala' quiyim hueetaugui ca le'xoric
4Ñi qara'gaxala' yapaxaguinegue
quiyim llo'daxachigui lauel na soochaxaiquipi
queda ỹa'ñaaqataxanaxac quenaua ỹa'qaatqa.
Ỹo'uet quiyim ỹaatqajam ña'xaỹaxanchiguiñi quenaua'que naua nete'etari,
qaiyi ỹaatqajam ña'ijne'teguelo naua la'qaatqa.
5Ñi qara'gaxala' nañan da ỹa'deenaxanaxa,
ca' ỹim se sopilaxatauec
chaqai mesqai quiyim se ña'xaỹaxana quet.
6Saandec naua ỹapalatetari quiyim qaỹouaxanlgoto
chaqai ñañaanta quiyim qano'tegue' naua ỹaqareue.
Se lloỹoote'oga na ỹashic
quená'maq yi'neetac chaqai natoqotapiguiỹot.
7Ñi qara'gaxala' ñí'maq yotauan:
vichiguiño' se ñauate ná'maq ñi'naxaquipi;
vichiguiño' ñaq sa'ñiichiguiñi 'ec aỹim aca qa' ladocai,
ma' sa'den quiyim se qayayilqochit ma'le.
8Hueetau'e na ỹahi ñí'maq ro'ootaxanteguelec aỹim:
¿'Uo' cá'maq ypa'guentac?
¡Cha'regue qolaxapegue' ñí'maq imit ca nasauaxaset!
¿'Uo' cá'maq 'neetapigui lauel quiyim yishit yimit?
¡Ca' naiquenajo, ca 'naapiguiỹa'!
9Ñi qara'gaxala' chaqaiñi ñí'maq yotauantac;
¿Nega'ỹo' cá'maq ishit quiyim ỹa'ue ca ñouaxanaxaset?
Ná'ogue na ñpa'guenaxauaripi palac ma'le
'ec ca nooỹac qaichiqueta quena pit.
(51.1—52.6 Daua na'qaatqa lo'daxachigui lauel yi qomyipi quiyi Jerusalén.)
