Isaías 10

₁¡'Xoraiqolqa qamiri, ma' 'viichiñi na naqataxac se no'uen

chaqai 'chiiñi na nelaataxanaxac se qanalo'guit,

₂ma' 'viichii quiyim se qana'xaỹaxana ná'maq sqaicanqaiyi,

chaqai se quelolliguit ná'maq 'xoraiquipi quena ỹalamaxareteripi,

chaqai nouoretac ana pa'ỹellipi chaqai rocachot na na'pelyipi!

₃¿Tegue' canchaqai 'ñiita ma' qarimichii,

ma' daañiỹa'guit qoỹoqo'chiguit cá'maq ỹo'uet ca nouaxanaxashichii?

¿Negue' cá'maq shiilaỹo' ma'le quiyim rotauañii?

¿Negue' cá'maq lliỹa'gue ma'le na resallaxahi?

₄No'm se nemanachichii quiyim qare'xachii qarcoñiri,

ca quiita'ñi' ma'le ná'maq nalauatqaipi.