1 Reyes 16

₂₉Ca co'na' ỹovite' saua treinta y ocho ñaxari quiyim nashi so Asa quiyi Judá, ca' so Acab só'maq llaalec so Omri lotqai nashi quiyi Israel. Ca' ỹovi' veintidos ñaxari quiyim nashi so Acab, neeta'ñi yi na'a' lodegaxat Samaria. ₃₀Qam ñi qara'gaxala' se nqo'ta da no'ueenataxac so'maxare, ma' paguec la'aaxa dá'maq 'neetari' queso 'auaxaic nashillipi queso'maxare. ₃₁Ma' so'maxare ỹaatqajam chi ỹo'uet na lasauaxaseteripi 'ec so Jeroboam, só'maq llaalec so Nabat. Chaqai vire'ta o'ñiguit aso Jezabel, llaale so Et-baal, nashi quiyi Sidón. Chaqai vire'ta na' imaqachin chaqai nqouagaxainot so nashiilec Baal. ₃₂Chaqai no'xonshiguim aso ncopatoxonaxalate chaqai aso no'ueenaxanaxaqui quiyim qanqouagaxainot so nashiilec Baal quiyi Samaria. ₃₃Chaqai qai'neeta ỹo'uet so nadenqatec lqui'i aso nashiila Asera, ca' ỹaatqajam ỹo'ooqochito' na'le ñi qara'gaxala' ñí'maq qota'olec queso Israel. Ca ná'maq ỹo'uet so'maxare ỹaatqajam paguec la'aaxa dá'maq 'ne'tegue na'le queso 'auaxaic nashillipi quiyi Israel.