1¡Lewujyaj ihi Lhawuk!
Tenay atenek tä nech'ayek
tä lewujyenay häp Lhawuk.
Wujyenay tä lhewej
laka wichi tä lhaihutwek.
2Israel lhayis, wo akäjyaja,
amel tä haw'et Sión,
tsi Dios häp tä alhenhay wet aka Niyat.
3Is chik lekoy tä lewujyen,
wet ten atenkay tä lechulhyenho arpa.
4Tsi Lhawuk akäjejlhi laka wichi,
hiw'enho leniyatyaj lhamel
tä w'et m'ayhayhas t'at,
wet ikalhi letayhfwas.
5Amel tä ahäpe Lhawuk laka wichi,
wo akäjyajayej häp lham
tä lekalhi atayhfwas.
Tej chik lhe'pe amäwetes,
mat choywethä.
6Wujyenayej Dios atenkay,
wet afwajnhat tä lhayhil nitäkw
ihi t'at akwey,
7yämthilek lewo ahayahlä
wichi tä ihiche honhates,
wet lewo atasnhayajayej lhamel,
8letsokwethä laka niyatey
lhäy'e wichi tä takhajayhen,
wet lhäytejen lhamel
häp chinhas tä choyhthen,
9häpkhilek lhayäm matche n'olesaynek
tä yäme tä letes ihi lhamel.
Wet täjtso häpkhila
Lhawuk laka wichi lewujyaj t'at.
¡Lewujyaj ihi Lhawuk!
Your browser does not support HTML5 audio.