1Lhawuk lakäpfwayaj tä is i'amej
tä lehumin häp lham wet lewoye lhämet.
2Letufwla m'ak tä tälho achumet,
akäjyaj ihihla wet wujla m'ak tä lekalhi.
3Hach'efwa hätehlat iwoye hal'ä tä lhay wuj,
tsi wujla'pe ales tä ihi haw'et,
hätehlat iwoye hal'ä tä letälhes tälhlhi.
4Mälhhiyejatso chik Lhawuk takäpfwaye
häp hin'o tä ihumin wet iwoye lhämtes.
5Is chik Lhawuk lakäpfwayaj tä is
tälhe chenaj Sión yämthilek i'amej.
Is chik lew'en Jerusalén tä letamsek ihi
nilhokej ifwalas tä leläy.
6Wet is chik lew'en achetsos
tä kamaj kat'ila.
Is chik letamsek ihi Israel.
Your browser does not support HTML5 audio.