1¡Lewujyaj ihi Lhawuk!
Lhawuk lakawos, wunitay häp Lhawuk.
2Is chik wichi n'okwiyej Lhawuk
athana pajla'tha tiyäj'attsiy.
3Is chik wichi iwujyen,
tälhe lhamel tä tumej tä ifwala tälhche,
lhäy'e lhamel tä tumej tä ifwala y'uy.
4Lhawuk niyatej nilhokej honhates,
wet lewujyaj i'pe pule.
5Nehit katsik w'awulhi Lhawuk Dios,
häp lham tä Niyat tä ipuleye.
6Lham itetshan pule
wet iyahnejchä honhat.
7Lhawuk itonphä elh tä p'elitsaj,
itälhtho honhat,
wet ineyhatphä elh tä iwatlä m'ayek
tä tälho honhat mok,
8yämthilek iwujyen wet itayyenphäwhäye
iyhäj tä len'ohyajay ihi.
9Wet atsinha tä niwoya lelesa,
lakäjyaj ihihila,
tsi nech'e lew'et lheley ihi.
¡Lewujyaj ihi Lhawuk!
Your browser does not support HTML5 audio.