Da chochaq tatec lauotaxanaqtaic Ñim Lo'onatac 'Enauacna
1Qaỹa'añiỹot qome da qana'achecỹaxaqui Ñim Nataxala',
cha'aye Ñimaye soxoraic, da lauotaxanaqtaic chochaq tatec.
2Qaỹa'añiỹot da qana'achecỹaxaqui Ñim Atamnaxala',
Ñim Lataxala' 'enauac na atamnaxala'pi,
cha'aye da lauotaxanaqtaic chochaq tatec.
3Qaỹa'añiỹot da qana'achecỹaxaqui Ñim Lataxala' na nataxala'pi,
cha'aye da lauotaxanaqtaic chochaq tatec.
4Cha'aye nacheñita ỹo'ot na lta'araicpi maye huo'o da llo'oxoyec,
cha'aye da lauotaxanaqtaic chochaq tatec.
5Ñimaye do'ogoxona co'ollaxa da laỹaanec da ỹo'ot na piguem,
cha'aye da lauotaxanaqtaic chochaq tatec.
6Ñim ilagaxaañi co'ollaxa na 'alhua da lapaxalec na 'etaxat,
cha'aye da lauotaxanaqtaic chochaq tatec.
7Ñim ỹo'ot co'ollaxa añi nala' qataq ñi ca'agoxoic,
cha'aye da lauotaxanaqtaic chochaq tatec.
8Ỹo'ot co'ollaxa añi nala' da yaqto' icoỹarelec ye na'a'q,
cha'aye da lauotaxanaqtaic chochaq tatec,
9qataq ỹo'ot ñi ca'agoxoic qataq ana huaqaañipi da yaqto' icoỹarelec ye pe,
cha'aye da lauotaxanaqtaic chochaq tatec.
10Ñim ique'emaqchet co'ollaxa so la'auaxanec llalaqpi so Egipto le'ecpi,
cha'aye da lauotaxanaqtaic chochaq tatec.
11Ñim nqateeguesop co'ollaxa ye Egipto so Israel le'ecpi,
cha'aye da lauotaxanaqtaic chochaq tatec,
12irolec da lta'araic la'añaxac na lhuaq,
cha'aye da lauotaxanaqtaic chochaq tatec.
13Ñim colaxagui co'ollaxa naqa'en so 'etaxat aso Auaxai Togaxarai,
cha'aye da lauotaxanaqtaic chochaq tatec.
14Ñim quichiguingui naqa'en na laiñi aso auaxai so Israel le'ecpi,
cha'aye da lauotaxanaqtaic chochaq tatec.
15Qataq huangui aso Auaxai Togaxarai,
da imoolec naqa'en so 'etaxat so faraón qataq so nalleppi,
cha'aye da lauotaxanaqtaic chochaq tatec.
16Ñim ilotague' co'ollaxa da llecỹaxac na lalamaxat nhuo' le'ecpi,
co'ollaq quetalec ye toolec 'alhua,
cha'aye da lauotaxanaqtaic chochaq tatec.
17Ñim ỹo'ot co'ollaxa da l-leuaxa so lta'araicpi nta'alpi,
cha'aye da lauotaxanaqtaic chochaq tatec.
18Ñim ỹalauat co'ollaxa so 'añaxaicpi nta'alpi,
cha'aye da lauotaxanaqtaic chochaq tatec:
19Som Sijón maye lta'a so amorreopi,
cha'aye da lauotaxanaqtaic chochaq tatec.
20Qataq so Og, maye nta'a ye Basán,
cha'aye da lauotaxanaqtaic chochaq tatec.
21Ñim naloqnec co'ollaxa so na'alhua se'eso nta'alpi,
cha'aye da lauotaxanaqtaic chochaq tatec,
22da yaqto' lalamaxat naqa'en so Israel maye lamaxashec,
cha'aye da lauotaxanaqtaic chochaq tatec.
23Ñim saishet da qomi' icoua'aisalo na'aictaxa da qomi' qaỹachetraiya',
cha'aye da lauotaxanaqtaic chochaq tatec.
24Ñim qomi' nca'alaxateeguesopa na qampa'aguenaxauapi,
cha'aye da lauotaxanaqtaic chochaq tatec.
25Ñim ỹanem da lquia'axac 'enauac nam huo'o da lca'alaxa,
cha'aye da lauotaxanaqtaic chochaq tatec.
26Qaỹa'añiỹot qome da qana'achecỹaxaqui
Ñim Lo'onatac 'Enauacna maye neto'ot na piguem,
cha'aye da lauotaxanaqtaic chochaq tatec.