1'Am Nataxala', ¿chaq laguio' da ivirec da aỹem 'aucoua'ai?
¿Chaq laguio' da ime da aỹem 'anqañoxottapiisop?
2¿Chaq laguio' da imeuo da ñeque'eenaxac,
qataq da ỹaquicoxo 'enauaque naua na'axa'te?
¿Chaq laguio' qaq inoxonec da 'eetec da aỹem
ỹamaqtac na ñepa'aguenaxauapi?
3'Am Nataxala' maye 'Am Ñatamnaxala',
ñaq aỹem 'anamataña, aỹem 'auasateguet
qataq nauaachiyiñi 'anqa'en naua ỹa'ai'te.
Yaqto' saishet da so'ochiỹaigui da nleuaxa.
4Yaqto' na ñepa'aguenaxauapi saishet qome
da 'eeta': «Mashe ỹoxonec ñimaye.»
Qataq saishet da ntootapeguec da souañi.
5Aỹem ỹataqta sepi'iỹa'a da 'arsoxoyec,
qataq da iquiyaqteỹaxac machiguiñi souaxat da aỹem 'anca'alaxatec.
6Qaq so'on ca ỹo'onec da sho'oxoren Ñim Nataxala'
souaxat na ỹaỹamaqchiguiñipi maye aỹem ỹo'otec.
Your browser does not support HTML5 audio.