Da 'eetec co'ollaq qanaloqchiiñi so alleppi
1Qaq 'ana ana le'enaxat lmalate so Israel le'ecpi, nache ỹataqtac so lataxala'pi so ñalaqpi, qataq so lataxala'pi so mil, qataq so cien alleppi, qataq so 'amaqtaqaic nataxala'pi maye lamaxashecpi so nta'a da yaqto' huapegue' da icolaxachigui so alleppi, da yaqto' nmeeta'a't da do'onataxan ye 'oonolec ca'agoxoic, maye huaigui ye 'oonolec vi'i. Qaq ñi 'oonolec som qaiỹottecache, ivi' veinticuatro mil ỹalleppi.
2Qaq so hua'auchiguiñi da qaicolaxateugapi, maye huaigui so la'auaxanec ca'agoxoic da do'onataxan, nache lataxala' so Yasobeán, maye llalec so Zabdiel, 3maye chegoxoguet so Fares, qaq somaye nacheso so lataxala' so 'amaqtaqaic lataxala' so alleppi, maye inoxoneuo da do'onataxan so la'auaxanec ca'agoxoic.
4Qaq som laỹepi maye qaicolaxateugapi, so lỹa ca'agoxoic, nache lataxala' so Doday, som ahohiita.
5Qaq som laỹepi maye qaicolaxateugapi, so lỹa ca'agoxoic, nache lataxala' so Benaías, som llalec so Joyadá, maye lataxala' na ntaxaỹaxanaxanecpi, 6qaq se'eso Benaías, nache ỹalectaigui co'ollaxa so treinta 'añaxaicpi, qataq nache lataxala' somayepi. Qaq somayepi nache ỹalectaigui so llalec somaye le'enaxat Amisabad.
7Qaq som laỹepi maye qaicolaxateugapi so lỹa ca'agoxoic, nache lataxala' so Asael, som lqaỹa so Joab. Qaq so Asael, nmeneguet co'ollaxa so llalec Zebadías.
8Qaq som laỹepi maye qaicolaxateugapi so lỹa ca'agoxoic, nache lataxala' so Samut, som izraiita.
9Qaq som laỹepi maye qaicolaxateugapi so lỹa ca'agoxoic, nache lataxala' so Irá, som llalec so Iques, maye lma' ye Tecoa.
10Qaq som laỹepi maye qaicolaxateugapi so lỹa ca'agoxoic, nache lataxala' so Heles, som paltiita, maye chegoxoguet so Efraín.
11Qaq som laỹepi maye qaicolaxateugapi so lỹa ca'agoxoic, nache lataxala' so Sibecay, maye lma' ye Jusá, maye chegoxoguet so Zeraj.
12Qaq som laỹepi maye qaicolaxateugapi so lỹa ca'agoxoic, nache lataxala' so Ebiézer, som lma' ye Anatot, maye chegoxoguet so Benjamín.
13Qaq som laỹepi maye qaicolaxateugapi so lỹa ca'agoxoic, nache lataxala' so Maray, som lma' ye Netofa, maye chegoxoguet so Zeraj.
14Qaq som laỹepi maye qaicolaxateugapi so lỹa ca'agoxoic, nache lataxala' so Benaías, maye lma' ye Piratón, maye chegoxoguet so Efraín.
15Qaq som laỹepi maye qaicolaxateugapi so lỹa ca'agoxoic, nache lataxala' so Jelday, maye lma' ye Netofa, maye chegoxoguet so Otoniel.
16Qaq 'eso so lataxala'pi so nhuo' Israel le'ecpi, nache so lauo' le'ecpi so Rubén, lataxala' so Eliezer, som llalec so Zicri, qaq so lauo' le'ecpi so Simeón, nache lataxala' so Sefatías, som llalec so Macá. 17Qaq so lauo' le'ecpi so Leví, nache lataxala' so Jasabías, som llalec so Quemuel, qaq so lauo' le'ecpi so Aarón, nache lataxala' so Sadoc, 18qaq so lauo' le'ecpi so Judá, nache lataxala' so Eliú, som lqaỹa so David, qaq som lauo' le'ecpi so Isacar, nache lataxala' so Omri, som llalec so Micael, 19qaq so lauo' le'ecpi so Sabulón, nache lataxala' so Ismaías, som llalec so Abdías, qaq so lauo' le'ecpi so Neftalí, nache lataxala' so Jerimot, som llalec so Azriel, 20qaq so lauo' le'ecpi so Efraín, nache lataxala' so Oseas, som llalec so Azazías, qaq so 'oonolec laỹe so lauo' le'ecpi so Manasés, nache lataxala' so Joel, som llalec so Pedaías, 21Qaq so lỹa, 'oonolec laỹe som lauo' le'ecpi so Manasés, maye hueta'a ye Galaad, nache lataxala' so Iddo, som llalec so Zacarías, qaq so lauo' le'ecpi so Benjamín, nache lataxala' so Jasiel, som llalec so Abner, 22qaq so lauo' le'ecpi so Dan, nache lataxala' so Azarel, som llalec so Jeroán. Qaq 'enauac se'esopi, nache lataxala'pi so nhuo' Israel le'ecpi.
23Qaq so David, saishet co'ollaxa da ỹo'ot aso le'enaxat lmalate som saxanaxa da ivi' naua veinte vi'iye da nachaalataxac, cha'aye Ñim Nataxala', ỹan co'ollaxa da la'aqtac da nquigaxatec na Israel le'ecpi, 'eeta'am naqa'en ye lcata ana huaqaañipi na piguem. 24Qaq so Joab, maye llalec aso Seruyá, ỹacoolec co'ollaxa da ỹo'ot aso ne'enaxat lmalate, qalaxaye saishet da imat, cha'aye nachaso asom ỹo'ot da talec da nhuaxanaguec so Israel le'ecpi. Qaq ỹoqo'oye saishet da nanettalec aso nere maye huetalec da na'aqtaguec so nta'a David.
25Qaq som ilotague' aso anom laỹe' maye lalamaqte so nta'a, le'enaxat Azmavet, som llalec so Adiel, qaq som ilotague' som naỹamaqtaxanaqa' maye nauga so no'onaxa, qataq som naña nam huaqta'a't nỹecpi, qataq nam naña som saq 'amaqtaq nỹecpiolec, le'enaxat Jonatán, som llalec so Uzías.
26Qaq som ilotague' som 'onataxanaxaicpi maye danaxaateguelec na 'alhua, le'enaxat Ezri, som llalec so Quelub. 27Qaq so ilotague' nam nañiguishe uva lma'pi, le'enaxat Simea, maye lma' ye Ramat, qaq so pa'aỹa'aguet da laỹona't na lataxa da yaqto' iroua'a so laỹonaxaqui, le'enaxat Zabdi, maye lma' ye Sefam. 28Qaq som ilotague' nam olivo lma'pi, qataq na hiigo lma'pi maye huaña ye Sefelá, le'enaxat Baal Janán, maye lma' ye Guéder, qaq som ilotague' so laỹonaxaqui na aceite, le'enaxat Joás. 29Qaq som ilotague' so 'atetpi maye hueta'a ye Sarón, le'enaxat Sitray, maye maiche lma' ye Sarón, qaq som 'atetpi maye hueta'a ye ca'amapega'tpi, nache ilotague' so Safat, som llalec so Adlay. 30Qaq som ilotague' so cameellopi, le'enaxat Obil, som ismaeliita, qaq som ilotague' aso 'ashenapi, le'enaxat Yejedías, maye lma' ye Meronot, 31qaq som ilotague' aso qaguetapi, le'enaxat Jaziz, som agareeno. Qaq 'enauac se'esopi, da ilotague' som lalamaxatpi so nta'a David.
32Qaq so Jonatán, som ntesoqo' so David, somaye nacheso so neraxanaxanec, ỹaanataxanaxaic, qataq no'o'n naua lqataxaco, qaq so Yejiel, som llalec so Jacmoní, nacheso so ilotague' so llalaqpi so nta'a. 33Qaq so Ajitofel, nataqa'en ỹaateguema naxa naua lqataxaco so nta'a, qaq so Jusay, som arquiita, nataqa'en lpe'et so nta'a. 34Qaq so Ajitofel, qanmenaxanaxanguet co'ollaxa so Joyadá, som llalec so Benaías, qataq so Abiatar. Qaq so lataxala' so nalleppi so nta'a, le'enaxat Joab.