Apocalipsis 15

₁Ca seuane'ta quena piguim aso liỹa chalego lecaic netana ỹo'uet da ne'laxa: Siete saua nelaatqa piguim lase' i'xatete' saua siete pa'aaterec nqa'viico. Ca' quesaua, ca' ỹovita ca lqodoc ca lonogoxonaxac ñi qota'a.

₂Seuana qai'neeta só'maq 'ec huaaxai richiichiguiñi na le'ec, ỹalequeta'guit na norec. Ca ná'maq ỹovirau'a quiyim se imaqachin so isecỹac lodegaxat chaqai so lqui'i nadenqatec, chaqai se icoñiguit ca ỹorete' so leenaxat so'maxare, sá'ogue nachaatetañi hueeto'ot na lemanaxa so huaaxai richaañi na le'ec, lo'qoota'a ana liviigue qoỹaanem quiñi qota'a. ₃Ca' so qomyipi ỹo'ueentac da lo'ueenec so Moisés só'maq lelaatec ñi qota'a chaqai da lo'ueenec so 'ec qagreta llaalec, 'neetasa':

₅Ca na' ime dajo, ca' ñidaanashiguim. Ca seuane'ta qaỹauachigui aso no'ueenaxanaxaqui neeta'gue da piguim, só'maq hueetauguilo saua qari sauá'maq naneretalgoto saua laqataxaco ñi qota'a. ₆Ca' casojo no'ueenaxanaxaqui chicqoraugui saua siete nelaatqa piguim lase' sauá'maq i'xatete' saua siete nqa'viico. Ca saua'maxare chicqaugui na lino saua loho ỹaatqajam qashilgue', chaqai 'vii naua nosaataxaqui' 'oro queeterelec ana lotogue. ₇Ca na'le, ca' 'óna quesaua cuatro ise', ca 'óna ỹaanem quiñi 'óna quesaua siete nelaatqa piguim lase' 'óna 'taxaqui 'oro, no'qaachigui quedá'maq chalego lecaic nqa'viic chicqo'ot ñi qota'a, ñí'maq sqaica lqodoc da nachaalataxac quenaua'que naua na'xata'. ₈Ca' añi no'ueenaxanaxaqui ỹaatqajam no'xogui quena nesalaxaripi chicqaugui da lecaic chaqai da lquesaxanaxa ñi qota'a. Ca' quiyi, ca' sqaica ca ishit inoxono quiyi'maxare, toco' ma' imero saua siete nqa'viico i'xatesac saua siete nelaatqa piguim lase'.