Salmos 6

totaxan relaqairiua' quiyim 'ohi',

chaqai sqa vite ca ñouaxanaxaset quiyim roqui'raỹa'.

₂Qami' ỹa'gaxala', yi'xoriñi',

ma' ñauate'e quiyim qaica ca ỹa'ñaxac.

Qami' ỹa'gaxala', rapilaxachi' ca ỹa'maxa,

ma' ná'ogue na ỹoshicmaxa i'loxol.

₃¡Mashic yi'loxoltari' quena iqolonaxa!

Ca' qami' ỹa'gaxala', ¿laquio' chi novichi'?

₄Qami' ỹa'gaxala', na'itquena, ¡nca'laxachirec da ñachaalataxac!

¡Yca'laxachirec queda re'xorenataxanaxa'e'!

₅Qaica quet cá'maq mashic ileu, ca ỹo'leenta'a qami';

¿negue' queto' ca ishit quiyim imaqachin qami' quiyim mashic hueetañigui aca napal lahi'?

₆Ỹaatqajam mashic yco'te'guesop da ñoỹenaxac.

Naua'que naua piri ñoỹentac,

vire'ta pi'guiloxolta yi ña'xanaxat quenaua ỹachi'.

₇Da nqui'ic mashic sham ỹo'mate' naua ñqote';

¡sham o'me' sauaxat na ñpa'guenaxauaripi!

₈¡Noỹoochiuec caỹim ma' 'viichitac da se no'uen

ma' ñi qara'gaxala' mashic 'xaỹa da ñoỹenaxac!

₉Ñi qara'gaxala' na'xaỹaxana da ñi'xoresenaxac,

¡ñi qara'gaxala' icoñiguit da ñqouagaxainaxac!

₁₀Na ñpa'guenaxauaripi ileuapeguem da lqolonaxa,

ỹaatqajam qaica ca 'negue;

¡'ec quiyim 'oonoqui' nqatagoxoñi,

ca' 'eete', paguec da layilqo'!