Salmos 43

₁Qami' qota'olec, 'viichi' ca ỹa'maqachiguiñi caỹim;

¡pa'a'ichiguit na qomyipi sqai huelec qami'!

¡Yca'laxachirec quena 'maatqaiquipi chaqai quena hualoxonyipi,

₂ma' qami' qota'olec caỹim chaqai quepaqataxañiseguelec aỹim!

¿Chi'neco' ma' yoỹoochire'oga caqami'?

¿Chi'negue queta' sachicota

chaqai ypataqatañi na ñpa'guenaxauaripi?

₃Ñaq nelachi' ca rauaqe' chaqai ca ra'qaachiqui' lliqueta,

qaiyi caua'maxare yapaxaguintegue ca nayic,

cá'maq taỹa'a aca quemaralec qa' ladocai co'teeta,

cá'maq 'laua viise'e qami'.

₄Ca' sovira'a ma'le ca hua'ñi quiyim qaimaqachin qami' qota'olec,

ca hua'ñi ma'le quiyim so'ueenaxantalec qami', sahote'e iviigue,

ma' qami' qota'olec caỹim no'xataxachi' da ñachaalataxac queda ñitoonaxac.

₅¿Chi'negue queta' yiualtegueñi?

¿Chi'negue queta' 'ue ca hueetapigui iuel?

Ma' da ñaquitaxac saanot ñi qota'olec,

ñí'maq ỹim shiquetalec semaqachintac.

¡Ñi'maxare qota'olec caỹim chaqai ica'laxaqui!