Salmos 1

₁Chalego la'maxa queca qom

quiyim sqai que'uegue na lapaxaguinataxanaxac na hualoxonyipi, chaqai se naỹa'a da 'neetari' na sauaqhuaiquipi,

chaqai se ỹalecau'a cá'maq i'neetac ñi qota'olec;

₂ta'ta'a quiyim ỹaatqajam nqo'ta na laqataxaquipi ñi qara'gaxala',

chaqai napaxaguintapegalo quiyi na'xa'a chaqai yi pe.

₃Cajo qom 'ec aca qo'paq neeto'ot na lahi aca lachiugue,

ca' se napacalec yi laloqo' quiyim 'ue aca la

chaqai se ỹaso ana laue.

¡Chaqai quená'ogue ná'maq ỹo'uet ỹaatqajam ỹa'maqachiguiñi!

₄Qam quena hualoxonyipi mesqai 'neeta dajo,

ma' na'maxare 'ec na 'uaqapi qai'xat quena nonot.

₅Vichiguiño' na hualoxonyipi se qaicoñiguit ma' ime qaimit,

ca' na sauaqhuaiquipi se ỹalliguiguit nqohin na 'maxataxaraiquipi.

₆Ma' ñi qara'gaxala' qota'olec netela'a da llicyaxac na 'maxataxaraiquipi,

qam da llicyaxac na hualoxonyipi taata'a quiyim na'laañi.