Miqueas 5

₁Qam nagui, qami' na'a' Jerusalén, 'maxachiriñi cá'maq chi rquepaqataxanaxachi',

ma' nagui qanahiquinchiguiñi qami'

chaqai qaỹa'ue da nouaxanaxaset ñi nashi quena Israel.

₂Qam caqami' na'a' Belén Efrata,

paguec qami' cocho'qui' quená'maq chigoxougui so Judá,

chicqotougui qami' ma'le ca nashi ỹoiquentac ma'le na Israel.

Ca'maxare chigoxougui so 'auaxaic qomyipi.

₃Nagui, ca' ñi qara'gaxala' ỹaxantac na lalamaxareteripi,

ỹovireta'a nqai'en ma' chi co'o añi 'aalo

nauaantaque quiyim ne'qaañi ca llaalec.

Ma'le, ca' qaigueme rapil na lauo' laseripi,

quená'maq llaalqaipi so Israel hueetalec yi ỹoqa'a 'laua.

₄Cajo nashi ne'laxashiguim ma'le quiyim reloxoỹa'a na lalamaxareteripi

queda lquesaxanaxa chaqai da lecaic ñi qara'gaxala' qota'olec.

Ca 'xoic ca no'daxa ma'le quenajo,

ma' cajo nashi qaimaqachin ma'le quenaua'que naua lahil na 'laua.

₅Ca'maxare noviraxat ma'le da no'daxa.