Jonás 2

Nagui ỹaatqajam seuetaugui na i'xoric, ca soỹaxanot qami', qami' ỹa'gaxala',

ca' saachichiguit aỹim.

Mashic ypa'xantañi da nelauaxa,

ca' soỹaxanot qami', ca' qami' na'xaỹaxañiriua'.

₃Yinaqairi'ña na paguec pa'aañi cana huaaxai,

na lo'paxaripi lepachigui aỹim.

Nelachi' na paguec lecaic lo'paxaripi,

ca' quelec aỹim.

₄Ca' ñauate'e quiyim 'ec yo'yirauec,

ca 'neetapigui iuel quiyim tot seuana ca ra'aachi' co'teeta.

₅Na huaxaỹaq ỹapojlem aỹim quena pa'aañi cana huaaxai,

ana qol lepachigui na iqahic.

₆Ỹaatqajam seyinñi sovira'ña na lqodoc na qaica 'nejem lishigui'ña;

ỹaatqajam 'ec mashic polec aỹim quena 'laua.

Qalaxam qami' ỹa'gaxala' qota'olec caỹim,

yca'laxachirec queso nelauaxa.

₇Na' ñauata'uegue mashic eec dá'ogue da iquesaxanaxa,

ca' so'leente'e qami', qami' ỹa'gaxala';

ca' da ñqouagaxainaxac ỹoviro'ot qami' quiyí'maq ñi'sa'ñi ra'aachi' co'teeta.

₈Ná'maq huelec na nashiilec nqolaquipi,

na'maxare ỹaxanñi quiyim huelec qami'.

₉Qam ỹim saantacot qami' da ña'aachicyaxac,

chaqai queeta saanot qami' aca savigaxat ỹachitaxanataxanqate;

chaqai somachichigui ma'le da ỹa'qaatec sepacqajanchigui.

¡Qami' na'gaxala', chaqaqamite' shichi' ca'laqataxañi'!