Jeremías 17

₁₄Yomachirec, qami' ỹa'gaxala', ca' yimeuec ma'le;

yca'laxachirec, ca' yca'leuec ma'le,

ma' ỹim qaqamite' semaqachiñi'.

₁₅Na qomyipi 'naac caỹim:

“¿Negue' cá'maq 'neeto'o' cauá'maq la'qaatqa ñi qara'gaxala'?

¡Nagui quet chaqa'ma' ipaquichiguilo!”

₁₆Qam ỹim qaica ca ipagaxallic quiyim vite ca le'xoric

chaqai se sashiilaxantaque ca se no'uen quena qomyipi.

Ca' qami' ỹaatqajam 'yiiñite' dá'maq sa'xat,

ma' ỹim se ñañoxotetañi caqami' quena' 'ue dá'maq sa'xat.

₁₇'Neeto' quiyim 'viichi' ca iqolonaxa caqami',

ma' qami' i'guenaxala' quena' 'ue da iuogoxo.

₁₈'Viichi' ca ne'naxac ná'maq se yayaxanac, qam mesqai 'viichi' ca ñi'naxac;

quiyim na'maxare no'chi nqai'ñi', qam ỹim se yo'chi.

Vite quiyim taalec nqai'ñi' ca le'xoric,

ná'ogue na'lliichiguiñi nqai'ñi',

qaica 'nejem ca le'xoric nqai'ñi'.