So llaalqaipi so Esaú
1Ca' 'ena na llaalqaipi so Esaú, na'aamataxat da Edom. 2So Esaú o'neuguilo saua 'aalo quiyi Canaán: loua aso Ada, llaale so Elón hitita le'ec, chaqai aso Aholibama, llaale so Aná chaqai laual so Zibeón heveo le'ec, 3chaqai aso Basemat, llaale so Ismael, lqaỹa so Nebaiot. 4Ca co'na' ne'qaañi so llaalec so Esaú caso Ada, ca' leenaxato' Elifaz. Ca' aso Basemat ne'qaaño' so llaalec Reuel. 5Chaqai aso Aholibama qai'neeta ne'qaaño' so llaalec Jeús, Jaalam chaqai so Coré. Ca' 'ena na llaalqaipi so Esaú ne'qaaño' na' ñaqai neeta'ñi yi Canaán.
6Ca' so Esaú liỹaaterec saua loua' chaqai so llaalqaipi chaqai so llaallipi chaqai sá'ogue so lauoraripi. Ca' eec ỹoqa'a ca quepegue' 'laua, qaiyi qoỹoqo'ta nqai'en so lqaỹa Jacob. I'xat sá'ogue so iseripi chaqai sá'ogue só'maq louenqaipi ỹachigoxota'ñi yi Canaán. 7Ma' mashic ỹapaguelec só'maq na'aateteripi saua'maxare, ca' tot ỹa'maxañi quiyim neralec cá'ogue ca 'laua. Chaqai quecá'maq 'laua tot nalolec cá'maq iseripi quiyim que'eelec. 8Ca' vichiguiño' so Esaú na'aamataxat da Edom quepegue' yi 'laua leenaxat Seir, ca' naalec. Quesojo 'laua 'xoic ana qa' ladocai.
9Ca' najo ná'maq llaalqaipi so Esaú só'maq chigoxougui na edomita laseripi ná'maq neetalec yi 'laua Seir, yí'maq huaalec ana quemaralec qa' ladocaipi. 10Ca' najo ná'maq leenqateripi na llaalqaipi so Esaú: caso Ada ca llaalec so Elifaz, chaqai caso liỹa loua Basemat ca llaalec so leenaxat Reuel. 11Ca' so 'auaxaic llaalec so Elifaz leenaxat Temán, chaqai so liỹa, ca' leenaxat Omar, chaqai saua Zefo, Gatam chaqai so Cenaz. 12Ca' so Elifaz 'uo' aso leloxoỹaxanata leenaxat Timna. Ca so'maxare qai'neeta 'uo' so llaalec, ca ỹanco' leenaxat Amalec. Ca' 'ena na chigoxougui aso Ada, só'maq liỹa loua so Esaú. 13Ca' saua llaalqa so Reuel leenqate' Nahat, Zera, Sama chaqai so Miza. Ca' 'ena na llaalqaipi aso Basemat só'maq liỹa loua so Esaú. 14Ca' aso liỹa loua so Esaú, Aholibama. Saua llaalqa leenqate'o' Jeús, Jaalam chaqai so Coré. Aso'maxare llaale so Aná chaqai laual so Zibeón.
15Ca' so nashillipi quesó'maq chigoxougui so Esaú, ca' chaqainaua nauajo so nashillipi quesaua llaalqa so Elifaz só'maq ỹi llaalec so Esaú, ca chaqaisaua saua Temán, Omar, Zefo, Cenaz, 16Coré, Gatam chaqai so Amalec. Ca' 'ena ná'maq nashillipi quena llaalqaipi so Elifaz ná'maq neetalec yi 'laua Edom. Ca ná'ogue na'maxare chigoxougui aso Ada. 17Ca ná'maq llaalqaipi so Reuel só'maq liỹa llaalec so Esaú, ca nashil saua Nahat, Zera, Sama chaqai so Miza. Ca' 'ena ná'maq nashillipi llaalqaipi so Reuel neetalec yi 'laua Edom. Ca ná'ogue na'maxare chigoxougui aso Basemat só'maq liỹa loua so Esaú. 18Ca' quena llaalqaipi aso Aholibama, só'maq llaale so Aná, só'maq liỹa loua so Esaú, ca' saua nashil quesaua llaalqa leenqate' Jeús, Jaalam chaqai so Coré. 19Ca sá'ogue so'maxare chigoxougui so Esaú da liỹa leenaxat Edom. Ca' chaqaiso só'maq la'gaxala' ná'maq chi lauo'.
So llaalqaipi so Seir
20Ca' naua leenqate' saua llaalqa so Seir só'maq horeo le'ec só'maq neetalec yijo 'laua: Lotán, Sobal, Zibeón, Aná, 21Disón, Ezer chaqai so Disán. Ca' chaqaina ná'maq nashillipi queso horeo laseripi llaalqaipi so Seir, neetalec so 'laua Edom. 22Ca' saua llaalqa so Lotán leenqate' Hori chaqai Hemam. Ca' aso Timna, qam chi lqaỹo' so Lotán. 23Ca' so Sobal llaalqa saua Alván, Manahat, Ebal, Sefo chaqai so Onam. 24Ca' daua leenqate' saua llaalqa so Zibeón: Aja chaqai so Aná. Ca' so Aná chaqaiso' só'maq iuanejlec ca huaxaỹaq ne'paxantashiguim quiyi 'laua qaica qom co'na' reloqota'alo saua laloo 'ashiñi' so leta'a Zibeón. 25Ca' so Aná 'uo' so llaalec leenaxat Disón chaqai aso llaale leenaxato' Aholibama. 26Ca' so Disón llaalqa saua Hemdán, Esbán, Itrán chaqai so Querán. 27Ca' so Eser llaalqa saua Bilhán, Zaaván chaqai so Acán. 28Ca' so Disán llaalqa saua Uz chaqai so Arán.
29Ca' 'ena na leenqateripi na lashillipi so horeo laseripi: Lotán, Sobal, Zibeón, Aná, 30Disón, Ezer chaqai Disán. Ca' nauajo nauá'maq lashil na horeo laseripi quiñi 'óna reloqota'a cá'maq chi lauo' laseripi quiyi qoyintalec 'laua Seir.
So nashillipi reloqota'a yi Edom
31Ca' 'ena ná'maq nashillipi ỹoiquentac yi Edom na' saqa'leca ca nashi quena llaalqaipi so Israel: 32Bela só'maq llaalco' so Beor, ca chaqaiso' só'maq ỹaatqajam nasho' na'le quiyi Edom. Ca' yí'maq na'ñi na'a' leenaxat Dinaba. 33Ca co'na' mashic ileu so Bela, ca lotqai nashi so Jobab só'maq llaalec so Zera. So'maxare na'ño' yi na'a' leenaxat Bosra. 34Ca co'na' ileu so Jobab, ca lotqai nashi so Husam. So'maxare naalec yi 'laua leenaxat Temán. 35Ca co'na' ileu so Husam, ca' lotqai nashi so Hadad só'maq llaalec so Bedad. So'maxare loxonco' na'le so Madián laseripi huaalco' yi no'ueenaxa so Moab. Ca Avit leenaxato' cá'maq la'a' so'maxare. 36Ca co'na' ileu so Hadad, ca lotqai nashi so Samla. So'maxare na'ño' yi na'a' Masreca. 37Ca co'na' ileu so Samla, ca lotqai nashi so Saúl. Ca so'maxare na'ño' yi Rehobot, yijo na'a' neeto'oto' na lahi aso lachiugue. 38Ca co'na' ileu so Saúl, ca lotqai nashi so Baal-hanán. So'maxare llaalco' so Acbor. 39Chaqai co'na' ileu so Baal-hanán, ca lot nashi so Hadad. So'maxare na'ño' yi na'a' leenaxat Pau. Ca' aso loua so Hadad leenaxato' Mehetabel, llaalo' so leenaxat Matred chaqai laual so Mezaab.
40Ca' 'ena ná'maq leenaxat ná'ogue na nashillipi chicqaugui ná'maq llaalqaipi so Esaú quená'maq chi lauo' quiñi 'óna chaqai naua leenqate' naua la'aate' Timna, Alva, Jetet, 41Aholibama, Ela, Pinón, 42Cenaz, Temán, Mibzar, 43Magdiel chaqai Iram. Ca' so Esaú qai'neeta leenaxato' quen da Edom. Ca' najo ná'maq nashillipio' na'le quiyi Edom nachiñi'chiguita nauá'maq lalamaxarete' na'aate' neetalgoto.
