Ezequiel 5

₁Ñi qara'gaxala' 'naac caỹim: Nagui qami' ỹale, coñita meca lecat ỹaxaraic, da llaaxa 'ec na petegaxat, ca' nipichiqui' na nqahiqui' chaqai naua raqarivii'. Ime, ca' coñita aca nesallaqataxanaxaqui, ca huagaxachirigui na qavi'i', tres ncoñiita nqai'ñi'. ₂Ma' machi' quiyim quira'a yi na'a' lodegaxat, ca copachira'a ca 'óna nanaqata queca qavi'i' quena lavinñi yi na'a' lodegaxat; ca' coñita ca lecat, ca' chaqairigui aca liỹa ncoñiita ca qavi'i', ca' naqaletenlec nqai'ñi' yi na'a' lodegaxat, ca cá'maq no'ueenauec, ca naqairishiguim, qaiyi i'xat na nonot. Ca' ỹim sco'uaataxanta ma'le quiyi qomyipi naugui yi na'a', llo'qoota'a ca llicat. ₃Ca' vite caua coñitalo queca qavi'i', ca' coñichirau'alo naua qatoohi'. ₄Ime, ca' coñita ca liỹa qavi'i', ca' naqairiñigui ca norec, qaiyi ỹavic. Ca' chaqaiyi chicqochi'ñi ca norec ma'le quiyim ỹavic ná'ogue na qomyipi quiyi Israel.