Deuteronomio 25

₅Ca no'm 'vii caua dos nqaỹa' quiyim cá'ogue ca la'aate', ca' quiyim 'óna ca ileu quecaua'maxare, qam saqa'leca llaalec, ca' acá'maq pa'ỹe sqai ỹoqa'a ca loua quiyim 'on. Ta'ta'a quiyim chi reloqo'chiguit cá'maq lqaỹa cá'maq loua sou, ca' ipaquichigui nqai'en dá'maq leloxoỹaxac ca ni'ỹoxoua. ₆Ca cá'maq 'auaxaic llaalec ne'qaañi, ca ỹanegue da leenaxat cá'maq lqaỹa sou, qaiyi sqai pal ca leenaxat quena Israel. ₇Qam no'm cá'maq ỹale ỹahotaque quiyim se ipaguiguit aca li'ỹoxoua, ca aca'maxare quepegue' ca letaxaỹaqa' na qo'xoiquipi. Ca' 'naac: Ñi i'ỹoxoua se ipaca'guit aỹim quiyim so'ñiguit, ma' se nqo'ta quiyim queeta sqa pal da leenaxat ca lqaỹa sou quena Israel. Ca ñi'maxare se ipaguiguit aỹim quiyim ỹoua. ₈Ca ma'le, ca' so qo'xoiquipi quiyi na'a' roỹaxane'oga so'maxare, ca retaxaỹa'pegue'. Ca no'm ca'maxare ipacalec quiyim se loua aca'maxare, ₉ca ma'le, ca só'maq li'ỹoxoua nqo'neu'a so'maxare, ca' naqat so lapela' so li'ỹoxoua, iuanchigui nqai'en so qo'xoiquipi. Ime, ca' natoxogui na lashic, ca' 'naapega so'maxare: ¡'Eda qohine'tegue cá'maq ỹale quiyim se ỹa'maxaren quiyim queeta ca llaalquenaxanaxac ca lqaỹa! ₁₀Ca' ca llaalqaipi ca'maxare qaỹamata'gue quena Israel: llaalqaipi ca qanaqat ca lapela'.